2020-10-13

BB皮膚護理 BB秋冬護理 10大天然成份: 拯救BB「濕疹」

        轉季BB皮膚出現「濕疹」,係好常見既問題,須知道類固醇只係抑壓濕疹嘅病徵,但沒有幫你「醫好」濕疹。長效改善BB「濕疹」,就要識揀選以下其中成份嘅潤膚產品啦!     甜杏仁油 椰子油 荷荷巴油 天然蜂蠟 洋甘菊精華 紫草 胡蘿蔔 大麻籽油 玫瑰天竺葵油 月見草油   甜杏仁油   含有豐富維他命、礦物質、醣物、維生素及蛋白質,具有滋潤與保濕的神奇功效,可以抗敏同時促進細胞生長,對消除紅腫乾燥和發炎嘅皮膚十分有效。能改善肌膚乾燥發癢,溫和低敏,連嬰兒肌膚都可使用!         椰子油   有極佳親膚性,令皮膚保持柔軟。有效防止皮膚角質水份蒸發,並有過濾紫外光的功能,對於改善濕疹亦非常有幫助。唔會堵塞毛孔,唔油膩,特別適用於BB敏感皮膚。         荷荷巴油   又一公認性質溫和、連嬰兒亦適合用嘅成份,同人體皮脂十分相似,具有極高滲透力,針對肌膚問題有顯著嘅療效,包括牛皮癬及濕疹等。蘊含肉豆蔻酸,能幫助舒緩紅腫及發炎肌膚。               天然蜂蠟   抗菌防水、唔容易過敏,由於佢有幾乎不溶於水及酒精嘅特性,有效鎖住水分、減少水分流失嘅效果,而且又係唔會堵塞毛孔。蘊含維生素A,能令皮膚變得柔軟,並且形成保護膜。蜂蠟已經被大量使用在護唇膏、乳霜、眼霜等,佢被認為潛在刺激性為零,對蜜蠟過敏嘅人極少。   而之前亦有曾經任職護士的媽媽同丈夫研發出葵花籽油結合蜂蠟嘅產品,成功改善囡囡濕疹。    Bebble 嬰兒蜂蠟滋嫩防護霜 50ml (標準價 $69)   <-即Click 了解   洋甘菊精華   有鎮靜、抗紅腫發炎的功效,有助舒緩濕疹敏感,促進皮膚傷口癒合,舒緩壓力、神經緊張、失眠等症狀。洋甘菊分為德國洋甘菊及羅馬洋甘菊,其中德國洋甘菊一直被指對於敏感、濕疹、牛皮癬和其他各種脫皮的皮膚問題有較好嘅效果。       紫草   紫草係中草藥嘅一種,有消炎、抗菌、收斂、 去除暗瘡嘅功效,促進肌膚細胞再生,控制肌膚水油平衡,改善濕疹皮膚和主婦手皮膚,連中醫邱穎琳亦指「紫草適合血熱型濕疹,皮疹較紅及晚上痕癢者。」       胡蘿蔔   胡蘿蔔蘊含維他命A、胡蘿蔔素,有助皮膚細胞更新及修復,減輕皮膚痕癢、脫皮情況。而中國名醫李時珍《本草綱目》亦都曾記載,胡蘿蔔能「下氣補中,和胸膈腸胃,安五臟,令人健食,有益無損」,因此有「東方小人參」巳嘅美譽。於皮膚方面,對成熟、皺紋、乾燥肌膚有滋潤修護效果,能夠舒緩炎症、濕症及脫皮問題。       大麻籽油   含有豐富脂肪酸、維他命及礦物質,亦都具有保濕同鎮靜肌膚嘅效果,可舒緩濕疹、過敏和傷疤的症狀。           玫瑰天竺葵油   有調整油脂分泌功效,對乾燥及油性肌膚都有好處。能夠修護粗糙乾裂肌膚,促 進傷口癒合及改善因真菌引起嘅皮膚炎症症狀。           月見草油   含有豐富的GLA (γ次亞麻油酸) ,能夠維持細胞膜健康,減少細胞水分流失,從而對治療濕疹同皮膚乾燥有幫助。而早期研究認為來自月見草油中γ次亞麻油酸,有助於緩解和皮膚問題相關的症狀,不過近期研究卻未能得出相同正面結果。睇黎月見草油對濕疹是否有幫助,都要睇返個人。             當然,對付「濕疹」係長時間抗爭,要斷尾一啲都唔容易,而且仲要因應BB皮膚狀況而使用,有時人地覺得有用,亦未必係最適合自己BB,新手爸媽要多試唔同類型。如果情況嚴重而且未有改善,記得帶BB去睇醫生啊!       精選文章     【BB 皮膚乾燥爆拆? 可能你冇做好呢啲事】   【BB係咪每次換片都要搽pat pat膏?】   【幾時幫BB沖涼最好?】   想知道更多育兒資訊?   Follow 我地Facebook: BebbleHK Bebblehk IG: bebblehk     *Bebble 歐洲 50 年嬰兒謢膚領導品牌* 「從第一天起開始呵護 BB,為父母提供照顧 BB 日常所需產品,係 Bebble 嘅宗旨。」   Tags: 秋冬護膚 濕疹

了解更多

2020-10-13

冬天BB睡眠攻略-4大貼士必學+睡眠禁忌!?

冬天天氣凍,好多新手爸媽都怕BB凍親而同BB著多啲衫、或者開暖爐,但原來冬天著太多會影響BB睡眠,BB體溫高除左訓得冇咁好,仲會增加BB患SIDS(嬰兒猝死症)既風險!適當既保溫係關鍵,如果你既BB訓得唔好,新手爸媽就必需學下,仲要了解有咩睡覺禁忌!       BB體溫與睡眠關係   根據外國The Baby Sleep Site指出,日頭BB體溫高,會令佢地保持清醒。但當太陽落山既時候,褪黑激素會釋放出黎,令BB昏昏欲睡,同時BB體溫會逐漸下降,所以有好多父母會發現BB朝早4點左右就會醒,可能係因為BB體溫係同一時間上升所致。英國BBC新聞亦都報導過,家長成功以體溫幫助BB睡眠。係瑞典,託兒中心會將BB放係戶外睡覺;甚至芬蘭咁凍既國家,父母都指佢地既BB係寒冷氣溫下訓得更好更長時間。     想冬天BB訓得好,要留意以下4點:     1.室溫   英國「嬰兒死亡研究基金會」指出,BB房應該處於攝影16-20度之間,而18度係最理想既溫度。最好就當然用溫度計去量度;不過如果冇溫度計,可以用一個簡單既方法去評估,一個穿著薄衫既成年人處於BB房內,應該要覺得舒服,如果覺得凍就反映溫度過低;覺得熱,則代表溫度過高。     2.衣著   可以同BB揀一啲長袖純棉連體衫,包腳款,保持腳仔溫暖。如果BB房位於比較凍既方位(例如向北方),你可以係下面放一件背心加強保暖。記得揀選一啲衫既款式係可以方便換片,即係換片時唔洗除好多衫既款式!     3.床上用品   新手爸媽應避免為BB蓋上被單,以減低BB睡眠窒息既危險。你可以揀選嬰兒睡袋或睡袋,用無袖睡袋包裹住BB身體,除左達到保暖,仲可以比BB四肢自由活動自如,對於唔鐘意用包被既BB黎講係一個唔錯既選擇,一般黎講,2.5托格(tog)既睡袋應該足夠。     4. 皮膚保濕   冬天天氣乾,容易造成敏感、乾癢、濕疹等皮膚問題,令到BB睡眠質素唔好。建議BB訓覺前為BB 皮膚保濕,如BB潤膚奶、面霜,選擇一啲有保濕、舒緩功效既天然植物成份,例如洋甘菊、薰衣草、甜杏仁油等,有助BB舒緩放鬆入睡。     如何判斷BB過熱或過冷?   要檢查BB是否過冷或過熱,可以感覺一下BB肚仔。如果肚仔摸落凍,可以同BB加一件背心,或者如果肚仔摸落好熱,可能就取走毛毯或減少衣著。避免摸BB手或腳去評估,因為BB的血液循環不如成人,而且手指腳趾正常都會比身體其他部位感覺凍。如果手腳睇黎出現藍色或斑點,可以同BB著襪/手套作為額外溫暖。   如果手腳睇黎出現藍色或斑點,可以同BB著襪/手套作為額外溫暖。     有咩唔應該做?   新手爸媽要留意既關鍵係避免BB體溫過高,避免增加SIDS風險。     唔好係室內任何地方戴帽子:BB頭部係會散熱調節,覆蓋住會可能導致體溫過高。     避免羽絨被:一歲以下BB可能會被羽絨被導致窒息,因為羽絨被好容易會蓋住BB面部,而且羽絨被亦都會導致體溫過高。     切勿使用熱水袋或電熱毯:係好凍既天氣,熱水袋或電熱毯對於成年人黎講會覺得好舒服,但要記住,成年人可以調節自己既溫度,但BB 2歲之前由於散熱能力弱,未完全發育(如排汗、顫抖等) ,所以要避免用熱水袋或電熱毯。     唔應該將BB靠近火源、散熱器或任何熱源既地方:因為除左有機會令BB體溫過高,仲可能會導致BB嚴重燒傷。                                     黎緊幾日得返10度,想BB冬天訓得安全、訓得好,記得係室溫、衣著、床上用品上做好準備,每日為BB皮膚保濕,多用洋甘菊、薰衣草、甜杏仁油等有助BB舒緩放鬆既植物成份啦!   Bebble嬰兒橄欖滋潤柔嫩護膚奶 <400 ml>   即click 上圖了解更多     想知道更多育兒資訊?   Follow 我地Facebook: @bebblehk  Bebblehk IG: #bebblehk   *Bebble 歐洲 50 年嬰兒謢膚領導品牌* 「從第一天起開始呵護 BB,為父母提供照顧 BB 日常所需產品,係 Bebble 嘅宗旨。」   Tags: bb睡眠 橄欖滋潤護膚奶

了解更多

2020-10-13

【炎夏出熱痱? 5招預防及解決BB 汗疹】附汗疹小貼士

      夏天,為大地帶黎雨水,唔止,仲為BB 帶黎熱痱!酷熱天氣下,無論大人細路都有機會生熱痱,而由於新手爸媽愛兒心切,加上BB 皮膚脆弱,就更加容易出現熱痱,成為熱痱高危一族!而天文台預計,今年夏天新界有機會升至四十度,睇黎新手爸媽要做定功課,5招學識預防BB 焗出疹!     咩係熱痱?   又叫紅色粟粒疹,由汗孔阻塞而引起,多發生係出汗位,或者BB 頸部、胸背、肘窩、膕窩等皮膚皺摺部位,而小朋友就可能發生係頭部、額頭等地方。初起嘅時候皮膚會紅,然後就出現針頭大細嘅粒粒疹,仲會帶有痕癢,甚至有痛楚的感覺。   熱痱   唔同濕疹,濕疹屬於反覆性皮膚問題,多見於BB的面仔、前額、眉頭、耳後等。而熱痱係一粒粒、好細點的小紅疹,濕疹一般多是『一攤攤』。   濕疹   焗出熱痱的原因   通常都係因為身體過熱、環境過熱、穿著過多焗促或過厚嘅衫所致,雖然大人都會生熱痱,不過出現係BB 嘅機會係多啲,因為爸媽通常會怕BB 凍親,覺得「著多好過著少」,BB 又唔識好似大人咁表達熱同埋除衫,所以更加容易生熱痱。   爸媽通常怕BB 凍親,而焗親BB     5招預防及解決BB 汗疹   1 著適量既衣物   媽媽應替BB穿著適當的衣物,夏天的時候,可選購一些吸汗功能強的衣物,如棉質衣物,保持皮膚乾爽涼快,減少流汗。 適量衣服   2 保持環境通爽   夏天的時候,家中可以開風扇或冷氣,以保持家居環境通爽和空氣流通。如要帶BB外出,應選擇早上或黃昏這些不太炎熱的時間,而且避免在陽光猛烈的地方長時間逗留。       3 保持BB身體乾爽涼快   BB流汗時,應用濕毛巾立即抹乾他們身上的汗水,避免汗水黏附皮膚上,令熱痱惡化。       4 勤清潔皮膚   平日多以清水替BB清潔皮膚,並使用一些性質溫和的沐浴露。沐浴後,用毛巾輕輕替BB抹乾身體,切勿過度用力。     5 用氧化鋅舒緩膏,加速皮膚修復   氧化鋅有吸收乾燥既功效,對於岩岩出現熱痱既皮膚好有功效,有效阻隔汗水。新手爸媽可以用Bebble 皇家紫樹舒緩護膚膏,含有氧化鋅,可以保持受損肌膚乾爽,仲有獨家皇家紫樹成份,佢有強效抗炎及修復能力,速效舒緩痕癢。   即click了解: <Bebble皇家紫樹舒緩護膚膏>   即click了解: <Bebble皇家紫樹舒緩護膚膏>   *汗疹小貼士*   1 用唔用得爽身粉?   有啲家長會比BB 用爽身粉,但爽身粉顆粒較為幼細,而BB 亦未有無鼻毛去過濾,會令BB 好容易吸入爽身粉,有機會對氣管或肺部造成過敏,引發哮喘﹑濕疹﹑鼻敏感等。     2 切勿使用保濕膏   BB出熱痱既時候,切忌係患處搽上保濕膏,因為保濕膏會令皮膚上的汗線閉塞,令熱痱惡化。     3 唔建議使用熱痱水   有家長會同BB係患處塗熱痱水,但咁樣只會令BB既皮膚更乾燥。     4 盡快同BB剪指甲   BB 出疹,大部分媽媽都會話:「BB R到損左!」,由於痕癢,BB好可能會用手抓患處,所以新手爸媽應該盡快同BB剪指甲,避免他們抓傷皮膚,加重病情。       立即了解: <Bebble皇家紫樹舒緩護膚膏>   想知道更多育兒資訊?   Follow 我地Facebook: BebbleHK Bebblehk IG: bebblehk/     *Bebble 歐洲 50 年嬰兒謢膚領導品牌* 「從第一天起開始呵護 BB,為父母提供照顧 BB 日常所需產品,係 Bebble 嘅宗旨。 Tags: 皇家紫樹換片護膚膏 皇家紫樹精華 尿片膏 換片膏          

了解更多

2020-10-13

BB出牙大全- 幾時出牙、徵兆、次序? 一次過教你處理BB出牙問題

BB幾時出牙?   一般黎講,BB係6個月大嘅時候會開始出牙,而去到3歲大部分都會生出20隻牙仔。BB出牙仔之後就會開始牙痕,覺得唔舒服而發脾氣,所以要了解清楚BB幾時出牙,為出牙作好準備!     下排兩隻門牙:6 – 8個月 上排兩隻門牙:8 – 10個 上排側門牙:9 – 13個月 下排側門牙:10 – 16個月 上排第一臼齒:13 – 19個月 下排第一臼齒:14-18個月 上排犬齒:16-22個月 下排犬齒:17-23個月 下排第二臼齒:23-31個月 上排第二臼齒:25-33個月 *以上為統計平均數         *BB 6個月未出牙? 出牙次序亂?   BB 6個月未出牙!8個月未出牙!…咁到底遲遲未出牙係咪正常呢?   其實6個月大開始出牙,只係一個平均數,BB出牙時間有早有遲,同埋出牙次序唔同係好正常,可以係比6個月早,亦可以遲至10個月大先出第一隻牙,新手爸媽無需要過分擔心。如到咗一歲半,BB仍未出牙,咁先至需要帶去醫生檢查一下。     出牙仔徵兆?   點先知道BB開始出牙?除咗出現牙痕,新手爸媽可以留意BB有冇出現以下徵兆:       出現超過一半,你嘅BB就好可能進入出牙期!     延伸閱讀:  【出牙唔等如會發燒?必知出牙常見癥狀 + 舒緩出牙方法】     BB出牙唔食奶?   出牙唔舒服及痛楚,都會令BB唔想食奶。同時由於出牙仔,BB會開始想試下其他口感嘅食品。如果BB已有六個月大,可以慢慢開始介入半固體食物,如米糊,粥仔,果蓉等,初時可一日兩餐,每兩天轉一次。同時可以同BB搽Bebble牙Gel,亦都有助減少痛楚同埋食慾不振問題。     BB出牙日常處理   口水分泌變多:要勤加清潔嘴四周、下巴及頸部位置,同埋更換口水巾,保持口腔清潔。           鐘意食手指、咬野:可以比BB咬牙膠,由於出牙仔會有牙痕既情況,咬牙膠有助舒緩牙痕。至於坊間有指可以雪凍牙膠,新手爸媽要留意牙膠有機會因而太硬同太凍而整傷BB牙肉。同時用牙膠要特別需要留意牙膠衞生同埋消毒,小心細菌感染。   煩躁不安:出牙時BB易煩躁不安,越接近出牙,就越易煩躁,新手爸媽盡量多啲陪BB玩,令佢專注係遊戲之中,有助減輕不安情緒。           睡眠變差:除左覺得牙肉痛,仲會令BB瞓得唔好,搞到BB        夜晚成日扭計,BB瞓得唔好媽媽都唔好受!平時用牙膠只係舒緩牙痕問題,而且只限日間進行,所以夜晚瞓覺時間,就強烈推介用牙Gel。       延伸閱讀: 【教你BB出牙 媽媽可以有覺好瞓嘅方法】   牙Gel-快速舒緩不適+教BB刷牙仔   到底咩係牙Gel? 牙Gel搽係BB牙肉上,可以舒緩牙肉腫痛,BB唔痛,就自然會瞓得好啲,仲可以培養到BB刷牙嘅習慣!而選擇牙Gel,最重要係成份天然,因為始終要食落肚!而Bebble玫瑰果乳牙舒緩啫哩,成份天然,內含有玫瑰果,有助於癒合傷口,收緊牙肉和止血,其他成份好似洋甘菊、鼠尾草精華,係天然的強效鎮靜止痛、改善BB食慾不振嘅成份,試過既香港媽媽都大讚好用,未試過都值得一試!      Bebble Teething gel 幼兒玫瑰果乳牙舒緩啫哩: 【即Click了解】   牙Gel Q&A   1.  到底咩係牙Gel?   牙Gel即係針對嬰兒出牙問題嘅舒緩啫哩,同牙膏清潔作用唔同。不過坊間有些會含有藥性,因此爸媽要留意牙Gel嘅成份。     2.   買牙Gel有咩成份要留意?   第一:是否含藥物成份:有藥物成份或配方,要睇清楚固中成份,最好向醫生諮詢先好為BB用藥。例如苯佐卡因Benzocaine-見於部分牙Gel嘅局部麻醉藥,美國食品及藥物管理局(FDA)指出可能會令兩歲或以下兒童出現致命副作用,呼籲藥廠停售。   第二:有冇防腐劑或添加劑:化學防腐劑或添加劑越多,就越容易對BB造成不良影響,常見有氟化物(Floride)、色素(colorants)、阿斯巴甜(aspartame)-可能致癌,唔識睇成份既,最好都認一認以上幾種對BB嘅不良成份。   第三:有冇薄荷成份(menthol):薄荷聽落天然,其實暗藏危機。好多含有薄荷成份嘅藥膏都會寫明:「兩歲以下兒童,使用前請向醫生諮詢」。研究指出,嬰幼兒過量使用薄荷醇,可能會引起休克、呼吸停止等嚴重不良反應,所以薄荷油都唔建議使用,更何況要食落肚。     3.   Bebble玫瑰果乳牙舒緩啫哩有冇藥性?食得落肚?   Bebble牙Gel選用天然植物成份:玫瑰果、洋甘菊、鼠尾草,0歲開始可以使用,不含藥物、酒精、薄荷、防腐劑、色素、糖、代糖、人工甜味劑,可以吞食,有出牙不適問題,新手爸媽可以放心使用!     4.    冇藥性又如何舒緩出牙不適?   原因在於Bebble牙Gel中嘅玫瑰果成份,玫瑰果Rose Hips含有極豐富維他命C ,佢內含嘅維他命C係檸檬20倍、橙10倍,有「維他命C之王」既稱號,所以可以促進傷口癒合速度,係天然傷口癒合劑。除左維他命C,仲含有礦物質,茄紅素,葉黃素,β-胡蘿蔔素,維他命A,E和B,以及鈣、鐵、鎂、磷等豐富營養素…     從中醫角度,玫瑰果亦能健脾消食,改善睡眠,斂肺止咳,可以用於消化不良,食欲不振,脘腹脹痛,腹瀉等問題。因此Bebble牙Gel就係以天然成份達至舒緩出牙不適,加速牙肉修復嘅效果。     5.    如何使用Bebble牙Gel?   用乾淨嘅手或手指套或柔軟BB專用牙刷上吱出豌豆大小嘅啫哩,輕輕係BB牙肉上摩擦。初次使用嘅BB,可以先一日2-3次,如有必要可以重複進行。為發揮最佳功效,使用後最少20分鐘避免飲水或進食。      即Click了解下Bebble牙Gel: 【了解下無壞】 睇下: 【邊度有得買?】   想知道更多育兒資訊?   Follow 我地Facebook: @bebblehk  Bebblehk IG: #bebblehk/   *Bebble 歐洲 50 年嬰兒謢膚領導品牌* 「從第一天起開始呵護 BB,為父母提供照顧 BB 日常所需產品,係 Bebble 嘅宗旨。」 Tags: 出牙仔 玫瑰果乳牙舒緩啫哩 煩躁不安 bb睡眠

了解更多

2020-10-13

BB喊唔停?10大BB喊的原因

「到底阿B喊緊咩?」所謂事出必有因,BB出生之後就只可以依賴你,所以佢喊得就一定有事想你知道同照顧!新手爸媽唔知佢喊咩,好多時係諗唔到原來有咁既需要。今日就一齊了解下10大BB喊既原因!     原因1: 我肚餓啦     對於BB,特別係初生,第一樣最重要既野,就係食。BB個胃係非常之細,小睡兩、三個鐘一醒就要食奶,所以好快就會覺得肚餓而喊。喊聲通常係比較低沉,好似冇咩力咁發出「咿咿呀呀」聲音。只係遲遲唔理,先會發展到出現嚎哭,實行「發難渣」。有啲BB肚餓時會有小動作,例如吮手、舔嘴唇等,新手爸媽可以留意一下,咁就可以及時餵奶。             原因2:我肚仔唔舒服     BB好常見既腸胃問題,BB會覺得唔舒服而喊,要留意BB平時飲食狀況,有冇嘔奶、打嗝、胃氣、大便問題等狀況,再仔細搵出唔舒服既原因。要留意食奶過飽都會嘔奶,有啲新手爸媽擔心自己子女會肚餓,冇依照時間開奶比BB食,或者怕分量不夠,都會導致肚仔唔舒服,或者過飽而嘔。           原因3: 我想有人關心我     BB出生之後離開母體其實係非常缺乏安全感,所以會成日扭抱,或會會想你抱住訓,特徵係當新手爸媽抱起BB既時候就會收聲。如果有需要既話可以將媽媽著過既乾淨衫放在BB旁邊令佢聞到媽媽既氣味,或者用包被方法,都會有助BB減輕不安。   延伸閱讀:【5秒令BB唔喊!醫生安撫手勢,新手爸媽必學】         原因4: 我覺得攰想訓下     當BB想訓時既時候都會喊,而喊之前佢會出現「打喊露」、「捽眼」等動作,新手爸媽見到就應該盡早帶BB去返寧靜舒適既環境,準備氹BB睡覺。如果唔係,BB好快就會出現大喊特喊既情況,瞇著眼都要喊!     原因5: 我覺得熱     太熱既時候多數會大喊,手腳亂踢,好似想踢開啲衫同被咁。摸BB手腳無必準,新手爸媽應該用手摸摸BB後頸,如果發現出汗,就即係過熱,咁充要即刻除走過多既衫。       原因6: 我覺得凍   如果BB覺得凍都會喊,不過喊聲就會比較低沉,唔會手腳亂踢,摸摸後頸會有發涼跡象。         原因7: 我要換片啦     BB皮膚特別脆弱敏感,Patpat如果一接觸到濕既大小便,就會提醒新手爸媽換尿片!有時候會因為出現尿布疹,會令BB覺得Patpat唔舒服而大喊。建議平昤換尿片之後同BB搽返換片膏,可以有效預防BB”UP”出尿布疹。   延伸閱讀:【BB係咪每次換片都要搽pat pat膏?】     原因8: 我出牙仔啦   一般黎講BB去到約6個月就會進入出牙期,出牙仔會令BB有唔同程度既不適,因此會特別容易喊同扭計!     延伸閱讀:【BB出牙大全- 幾時出牙、徵兆、次序? 一次過教你處理BB出牙問題】     原因9: 我皮膚唔舒服     BB皮膚常見有、乾燥、尿布疹、濕疹、皮膚炎等等,新手爸媽要留意BB睇睇臉上各有冇敏感症狀,甚至全面檢查下全身皮膚以至肛門等各個部位,睇下有冇咩乾燥、損傷、發炎或出疹的徵狀等。   延伸閱讀:【BB 皮膚乾燥爆拆? 可能你冇做好呢啲事】       原因10: 腸絞痛Baby colic     如果你既BB喊得好厲害,但又冇咩健康問題,咁佢可能係「腸絞痛」! 你可能會發現佢變得臉紅和沮喪,扭得黎又無視你既安撫。BB有時會緊握拳頭,又屈起膝蓋,扭黎扭去。有專家認為呢個可能同肚痛問題有關,例如對母乳或者配方奶中某種物質過敏,亦可能係入風或者便秘等有關。呢個情況一般去到2個月大既時候達到高峰,並且通常會持續三到四個月左右。多數BB三至四個月之後問題就會自然消失。   新手爸媽可以試下每日係BB大喊既時間點之前做2次腹部按摩,有助舒緩BB的腸絞痛,並且降低BB大喊既頻率。   想知道更多育兒資訊?   Follow 我地Facebook: BebbleHK Bebblehk IG: bebblehk/     *Bebble 歐洲 50 年嬰兒謢膚領導品牌* 「從第一天起開始呵護 BB,為父母提供照顧 BB 日常所需產品,係 Bebble 嘅宗旨。」  

了解更多

2019-09-27

預防妊娠紋按摩手法大全

                    準媽媽們係懷孕期間除咗擔心自己及BB身體健康,認真準備迎接新成員之外,相信好多貪靚準媽媽都會擔心妊娠紋嘅出現。其實妊娠紋出現有好多成因,主要與遺傳及個人身體狀況有關,懷孕期體重急升以及攝取水份唔夠都會大大增加出現妊娠紋嘅機會。想保持皮膚滑溜,趕走妊娠紋,即刻睇吓呢個預防妊娠紋按摩手法大全!   妊娠紋會係邊個位置出現? 妊娠紋其實唔一定只出現係腹部,胸部、大腿、小腿、臀部,甚至膝蓋都會有機會出現。      按摩手法圖表 (資料來源: champimom.com)   按摩腹部   首先雙手由腹部下方慢慢推向肚臍,然後雙手在腹部左右來回數次。最後順時針方向,腹部打圈按摩。   按摩胸部   首先雙手從胸口中間開始,手勢往下由內至外打圈按摩,最後推向頸部兩側。   按摩大腿及臀部   首先由膝蓋開始往大腿後方按摩,再由大腿內外側向上推。最後用掌心發力從臀部中心往外按摩。   挑選適合你嘅防妊娠紋產品 想要滋潤但又唔油膩嘅按摩油? Maternea彈力滋補護膚油就啱哂你啦! 蘊含高達99.6%天然成份,包括大豆及荷荷巴油、米胚芽油、甜杏仁油、維他命E及F。有效深層滋潤及保護懷孕期快部擴張嘅肌膚,加速新陳代謝及提升肌膚彈性,舒緩乾燥及敏感。Maternea彈力滋補護膚油嘅質地幼滑,容易被皮膚吸收,拒絕油膩黏稠感覺,而且仲冇香味添! 按摩之前記得將護膚油放係掌心輕輕搓暖,令油份嘅溫度更貼近人體肌膚,按摩時會更順滑更容易推開!   即刻睇睇: <Maternea彈力滋養護膚油>  

了解更多

  
2019-08-27

BB換片步驟及小貼士💡

                        根據小編嘅非正式統計調查,十個新手媽媽有九個都對於幫BB換尿片非常頭痕! 😥真係難以入手,每次換片都好似打仗一樣呀! 而淨低果一位新手媽媽,就有工人姐姐或長輩幫手,先冇咁難搞咋! 其實只要掌握換片步驟及技巧,速戰速決就冇難度啦! 😎   1. 放係舒適平坦位置 先放BB係穩固、舒服、較大面積及平坦嘅位置上,例如床、小桌等等。媽媽們記得留意保護BB,唔好比佢地亂郁手仔腳仔,慎防跌親或撞親。   2. 準備更換用品 媽媽們或者從旁協助嘅爸爸,係呢個時候就可以將乾淨尿片、濕紙巾或棉花、換片膏準備換片時使用。記得要先清潔好雙手,先開始換片呀!   3. 仔細清潔 打開污糟嘅尿片後,用BB專用棉花或者濕紙巾幫BB仔細清潔。記得要輕輕力清潔BB的私處及臀部,確保所有隱蔽的位置都清潔乾淨。因為過份磨擦有機會整損BB嘅皮膚,令臀部受細菌感染。   4. 使用BB護理產品 BB肌膚非常幼嫩,而且因為臀部皮膚經常接觸排泄物,容易導致尿布疹出現。係徹底清潔之後,用Bebble嬰兒皇家紫樹呵護換片護膚膏,獨有紫樹精華有助強效消炎殺菌,修服受損肌膚。另外含有蜂蠟成份,幫助滋潤肌膚及形成保護膜。防止過敏及感染,抵抗尿布疹!     5.換新尿布 將乾淨尿片平鋪,輕輕抬起BB雙腳並將尿片放係BB臀部下面。然後將魔術貼痴好,檢查一下尿片兩側有冇覆蓋好。媽媽們記得尿片唔好包得太緊,因為會焗住BB嘅皮膚,而且令佢地活動唔方便。建議媽媽們要選擇安全又透氣嘅尿片比BB使用!   小貼士 即使BB瞓緊覺,但為咗保持衛生防止細菌感染,都係建議媽媽盡快幫BB換乾淨尿片。 建議BB朝早瞓醒後,第一件事就要檢查尿片。正常經過咗一晚時間已經濕哂,要及時更換。 BB會用喊聲通知媽媽換片,聽到BB喊嘅話可以先檢查尿片係咪需要更換。 不建議BB係食奶後換片,因為平躺姿勢容易令BB嘔奶。     即刻睇睇: <Bebble嬰兒皇家紫樹呵護換片護膚膏>   想知道更多育兒資訊?   Follow 我地Facebook: BebbleHK Bebblehk IG: bebblehk/   *Bebble 歐洲 50 年嬰兒謢膚領導品牌* 「從第一天起開始呵護 BB,為父母提供照顧 BB 日常所需產品,係 Bebble 嘅宗旨。」 

了解更多

一張含有 游泳, 水上運動 的圖片

自動產生的描述
2019-08-20

🌟揀BB沐浴露要注意的7大重點

    夏天熱辣辣🥵,大人細路出一出街都已經汗流浹背,番到屋企一定要洗白白。 如果唔好彩遇到BB爆片,搞到個身同屁股污糟哂,BB隨時要一日沖兩三次涼先得。洗白白無得避免,所以媽媽幫BB揀嘅沐浴露絕對唔能夠馬虎。隨便揀一枝就OK? 有多D泡泡最好? NO WAY🙅🏻‍♀️即刻學下幫BB揀沐浴露究竟要注意邊7大重點啦👉🏻👉🏻👉🏻           1️⃣揀選適合嘅酸鹼度   BB嘅皮膚酸鹼度雖然隨著慢慢長大會有少許變化,但係選擇酸鹼度pH5.5嘅沐浴露係最接近BB皮膚PH值。 而且,相對令BB嘅皮膚更易接受,降低過敏嘅機會。        2️⃣選擇溫和無淚配方   洗白白嘅時候少不免要幫BB洗下頭,技術再好嘅媽媽都有機會失手,意外比沐浴露流入BB眼睛。 哇! 你諗下洗頭水入眼的話大人都覺得刺眼,BB就更加慘豬! 所以選擇溫和無淚配方嘅沐浴露係非常重要,即使唔小心入左BB眼睛都唔會刺眼。         3️⃣天然低敏成份   一般沐浴露含有好多化學成份,太多泡泡等於有起泡劑,太香就等於有香料。 化學成份好容易令BB過敏,所以選擇天然成份、不含起泡劑及香料嘅沐浴露就最合適。       4️⃣信譽良好   揀選有知名度嘅品牌唔一定係最好,但必需要揀信譽良好,多人親身試過後推薦嘅產品。如果係產地不明,成份含糊嘅牌子就盡量避免。         5️⃣包裝完好   購買嘅時候先檢查包裝是否完好,如果被人扭開過或者包裝有異樣,就避免使用。         6️⃣成份清晰   購買時睇清楚內容及成份,一定要詳盡! 如果成份不明或含糊,唔清楚枝沐浴露嘅功能及使用對象適唔適合你BB,就避免使用啦!          7️⃣嬰兒專用沐浴露   千萬唔可以用成年人沐浴露幫BB沖涼,隨時引起過敏反應! 幫BB購買嬰兒專用沐浴露更安全可靠,不過使用之前都最好幫BB試用,而且睇清楚係咪適合你BB嘅歲數使用。   講左咁耐,究竟咩牌子嘅沐浴露先適合BB呀🤔    來自保加利亞嘅Bebble嬰兒薰衣草溫和洗髮沐浴露就正正滿足哂以上7大要求。   天然溫和加上無淚配方,而且不含起泡劑及香料。   咁佢嘅薰衣草香味係點黎?   其實係蘊含天然真正薰衣草精華,幫皮膚保濕及抗菌之外,淡淡天然薰衣草味仲可以幫BB放鬆入睡! 獲得香港媽媽大力推薦!   即刻睇睇: <Bebble嬰兒薰衣草溫和洗髮沐浴露>   想知道更多育兒資訊?   Follow 我地Facebook: BebbleHK Bebblehk IG: bebblehk/     *Bebble 歐洲 50 年嬰兒謢膚領導品牌* 「從第一天起開始呵護 BB,為父母提供照顧 BB 日常所需產品,係 Bebble 嘅宗旨。」  

了解更多